Рөстәм Нәбиев чираттагы биеклеген яулады

Рөстәм Нәбиев Непалдагы 8163 метр Манаслуга куллары ярдәмендә менгән иң беренче кеше.

"Миңа ышанучылар аз булды. 2 октябрь көнне 10:00 сәгатьтә Манаслу тавы очында идем. Альпинизм тарихында мин дөньяда беренче булып, куллар ярдәмендә, дөньяда сигезенче булган тауга менә алдым", - дип хәбәр итә ул үзенең инстаграм битендә.

Манаслу тавы — дөньяда зурлыгы буенча сигезенче тау. Әлеге тауда үлүчеләр саны — 17 процент. Еш кына боз ишелү һәм упкыннарга тап булу куркынычы яный.
Исегезгә төшерәбез, Омскида казарма җимерелү нәтиҗәсендә ике аяксыз калган Рөстәм былтыр Эльбрус биеклегенә менгән иде.