САМОЛЕТКА БИЛЕТ САТЫП АЛГАНДА САК БУЛ

Россиядә авиабилетлар сату буенча мошенниклык ресурслары саны июль аенда 39% ка арткан. Бу хакта Роскачество матбугат хезмәте хәбәр итә.

Узган айда белгечләр самолетка билетлар сату буенча 518 ялган сайтны ачыклаган.

"Апрельдән фейк сайтлар саны 5 тапкырга диярлек артты. Билетларны тикшерелгән сайтлардан гына сатып алыгыз һәм хәйләләргә бирешмәгез. Мәсәлән, интернеттагы битнең тышкы кыяфәте танылган брендка бик охшаган булырга мөмкин, ә менә аның адресында проблемалар булырга мөмкин - еш кына мошенниклар ниндидер символларны өсти яки ала ", - дип аңлата "Авиасейлс" пиар-директоры Янис Дзенис.

Роскачествода беркайчан да акчаларны физик затның банк картасына яки электрон янчыкка күчермәскә, шулай ук машина арендалау яки кунакханәләрне броньлау буенча компанияләрне тикшерергә киңәш итәләр - алар сайланган илнең туризм министрлыгы рәсми сайтларында исәпләнергә тиеш.