«Созвездие-Йолдызлык» фестивале лауреатлары махсус операциядә катнашучылар алдында чыгыш ясады

Севастопольдә, флотның Офицерлар йортында Татарстан Республикасының «Созвездие-Йолдызлык» яшьләр эстрада сәнгате телевизион фестивале лауреатлары Россиянең Кара диңгез флоты хәрбиләре – Донбассны яклау, Украинаны азат итү буенча махсус хәрби операциядә катнашучы офицерлар һәм диңгезчеләр өчен зур концерт бирде.

Яшь талантлар Россия Хәрби-диңгез флоты көненә багышлаган концертны шулай ук хәрби хезмәткәрләрнең гаилә әгъзалары, флот ветераннары һәм Татарстан Республикасыннан чакырылган хәрби хезмәткәрләр дә тамаша кылды.

Үзенең рәсми сәламләү сүзендә ЮНЕСКО эшләре буенча РФ Комиссиясенең Җаваплы секретаре, Россия Федерациясе Тышкы эшләр министры киңәшчесе Григорий Орджоникидзе барлык катнашучыларны Россия флотының төп бәйрәме белән котлады.

«Россия Федерациясе Хәрби-диңгез флоты көнен бәйрәм итү алдыннан яшь йолдызчыклар илебез геройлары җирендә – Севастополь шәһәрендә чыгыш ясаячак һәм аны саклаучыларның тиңдәшсез батырлыклары, аның уникаль тарихы турында күбрәк белә алачак. Бу бик зур әһәмияткә ия»,- дип билгеләп үтте Орджоникидзе. Ул шулай ук яшь артистларга якты чыгышлар, ә оештыручыларга һәм остазларга куелган барлык бурычларны тормышка ашыруны теләде.

Фестивальгә Севастополь белән хезмәттәшлек итүе, зур тәрбия һәм патриотик эше өчен Шәһәр мәгариф һәм фән департаменты директоры Лариса Сулима рәхмәт белдерде. Концерт Татарстан солдатлары һәм матрослары, шулай ук Севастопольдә яшәүче республика кешеләре өчен чын бүләк булды, дип билгеләп үтте ул.

Концертны Аксубайдан Регина Черникова башкаруындагы «С чего начинается Родина» дигән легендар җыр ачты. Алып баручылар билгеләп үткәнчә, җыр Бөек Ватан сугышының беренче көннәрендә үз теләге белән фронтка киткән, Луганск шәһәрендә туып үскән совет шагыйре Михаил Матусовский шигырьләренә язылган.

Бөгелмәдән Ангелина Абдулхаирова залның көчле алкышлары астында «Матросские ночи» җырын башкарды, ә Яңа Чишмә муниципаль районыннан «Шешминка» хореография ансамбле «Первый полет» композициясен тәкъдим итте.