«Татар рухы һәм каләм» бәйгесенә эшләр кабул ителә башлады

«Татар рухы һәм каләм» Бөтенроссия журналистлары һәм массакүләм мәгълүмат чаралары бәйгесе ел саен милли өстенлекләрне пропагандалау максатыннан оештырыла.

Бәйгене оештыручылар: «Татмедиа» Республика матбугат һәм массакүләм коммуникацияләр агентлыгы һәм Бөтендөнья татар конгрессы.

Конкурс түбәндәге номинацияләрдә үткәрелә:

• «Массакүләм мәгълүмат чараларында татар халкының тормышына һәм эшчәнлегенә багышланган иң яхшы эшләр циклы»; 
•  «Идел буе Болгар дәүләтендә ислам дине кабул ителүнең 1100 еллыгына багышланган иң яхшы материаллар циклы»;
• «Бөтендөнья татар конгрессы төзелүнең 30 еллыгына багышланган иң яхшы материаллар циклы» (махсус номинация).

Бәйгегә эшләр 2022 елның 30 сентяберенә кадәр кабул ителә. Оештыру комитеты адресы: 420066, Татарстан Республикасы, Казан шәһәре, К.Маркс урамы, 38/5, 105 кабинет. Бөтендөнья татар конгрессы Башкарма комитетының мәгълүмати-аналитик идарәсе. Телефоннар: (843) 236-59-16. Факс: +7(843) 264-63-37. Почта аша җибәрү адресы: 420111, Татарстан Республикасы, Казан шәһәре, Ирек мәйданы, 1. Бөтендөнья татар конгрессы.

Нигезләмә