Татарстан яшьләре «Россия студентлар язы»нда катнаша

Татарстан студентлары 27-30 нчы майда Пермьдә узачак XXXI Бөтенроссия «Россия студентлар язы» фестивалендә катнашачаклар. Анда 85 төбәктән барлыгы 3,5 мең конкурсант көтелә,  шулар арасында Татарстаннан 96 егет һәм кыз. Бу хакта ТР Яшьләр министрлыгының матбугат хезмәте хәбәр итә.

Республиканы 10 югары уку йортыннан студентлар һәм иҗат коллективлары тәкъдим итә. Алар үзләренең конкурс номерларын һәм региональ концерт программасын күрсәтәчәкләр -  аны беренче тапкыр «Татарстан Республикасы Студентлар язы-2023»Республика студентлар иҗаты фестиваленең Гала - концертында тәкъдим иттеләр.

Фестивальдә республика данын студентлар 10 юнәлештә яклаячак: «Төбәк программа», «Вокал», «Инструменталь юнәлеш», «Бию», «Театр», «Оригиналь жанр», «Мода», «Медиа», «Видео», «Арт». Татарстан программасының режиссеры – 2019 елда «Россия студентлар язы» фестиваленең гран-при иясе һәм имидж чаралары сценаристы Михаил Буланов. Концертлар фестивальнең рәсми төркемендә трансляцияләнәчәк.

«Россия студентлар язы» Россиядә студентлар иҗатына ярдәм итү һәм үстерү буенча бердәнбер программа, ул илдә 1992 елдан бирле гамәлгә ашырыла һәм 80 нән артык төбәк, 10 бөтенроссия һәм дүрт халыкара чараны үз эченә ала. Ел саен аларда 1,5 миллионга якын студент катнаша, алар барлык төбәкләрдән 1,2 меңнән артык белем бирү оешмасын тәкъдим итә.