Татарстанда балалар ялы мәсьәләләре буенча кайнар линия ачылды

Татарстанлыларга балалар ялы һәм аның куркынычсызлыгы мәсьәләләре буенча консультацияләр бирелә. Кайнар линия 2023 елның 2 июненә кадәр эшләячәк, дип хәбәр итә Россия Кулланучылар күзәтчелегенең республика буенча идарәсе.

Сораулар Россия Кулланучылар күзәтчелегенең бердәм үзәгендә 8-800-555-49-43 номеры буенча, консультация үзәгенең 8(843) 221-90-16 кайнар линиясе буенча (эш көннәрендә 9.00 сәгатьтән 17.00 сәгатькә кадәр), шулай ук Татарстан идарәсендә 273-15-83 номеры буенча (дүшәмбе-пәнҗешәмбе 10.00 сәгатьтән 17.00 сәгатькә кадәр, җомга көнне 16.00 сәгатькә кадәр) кабул ителә.