Логотип Идель

ТАССР 100 ел

Яңалыклар

ТАТАРСТАНДА БАЙБАК САНЫН АЛАЛАР

Идел, 31 мая 2022 - 14:57
119
0
0

Иң элек белгечләр карта-сызымда әлеге хайваннар тереклек иткән урыннарның чикләрен билгели, аннан җитлеккән һәм бала байбакларны санау эше белән мәшгуль булачак.

Татарстанда байбак санын алу башланды, ул 27 июньгә кадәр дәвам итәчәк. Бу хакта ТР Биоресурслар буенча дәүләт комитеты хәбәр итте. Иң элек белгечләр карта-сызымда әлеге хайваннар тереклек иткән урыннарның чикләрен билгеләсә, аннан җитлеккән һәм бала байбакларны санау эше белән мәшгуль булачак.

Былтыргы статистика буенча, Татарстанда 15 905 байбак тереклек итә (2020 ел белән чагыштырганда бу 8 % ка кимрәк). Байбаклар нигездә республикабызның көньяк-көнчыгышында очрый. Иң зур колонияләр Лениногорск, Бөгелмә, Баулы һәм Азнакай районнарында теркәлгән. Буа районында тарихи колонияләрне очратырга мөмкин, болар -  регион әһәмиятендәге табигать һәйкәлләре «Яңа Тинчәле байбак колониясе” һәм “Үтинкә байбак колониясе”. Хәзерге вакытта ТР Биоресурслар буенча дәүләт комитеты республикадагы байбаклар санын арттыру буенча чаралар күрә.

Чыганак: ТР Биоресурслар буенча дәүләт комитеты

Яңа Тинчәле байбак колониясе: Буа районы территориясендә, Яңа Тинчәле һәм Шәйморза авыллары арасындагы Олы Тилчә елгасы үзәненең сулъяк яр сөзәклеге буендагы җирне били. 1987 елда билгеләнгән. Мәйданы 125 гектар. Бу урын Татарстандагы байбакларның иң төньяктагы яшәү урыннарының берсе. 1995 елда — 308 оя теркәлгән. Моннан тыш, биредә дала һәм кыр карчыгасы, тимгелле йомран очрый. Үсемлекләрнең сирәк төрләре, шул исәптән язгы адонис үсә [TATARICA татар энциклопедиясе].
Үтинкә байбак колониясе: Буа районы территориясендә, элекке Үтинкә авылыннан төньяктарак урнашкан. 1987 елда билгеләнә. Мәйданы 50 гектар, саклау зонасы 50 метр киңлектә. Сөркә-байбак колониясе Карлы елгасының сул кушылдыгы булган елгачык үзәненең далаланган сөзәклекләрен били. ТРның Кызыл китабына кертелгән үсемлек төрләреннән язгы адонис, чәчсыман кылган, хайваннардан кыр карчыгасы, ысылдавык аккош (очып үтеп китү вакытында), тимгелле йомран, кыр тычканы очрый. Объект 100 еллык өйрәнү тарихына ия [TATARICA татар энциклопедиясе]

«Идел» журналы 16+

Следите за самым важным и интересным в Telegram-каналеТатмедиа

Нет комментариев

Авторизоваться

Безнең YouTube каналны күзәт!

Подписаться