Татарстанда йөзү спорты хәрәкәтенә 100 ел тула

3 нче декабрьдә Казанда Татарстанда йөзү спорты хәрәкәтенең 100 еллыгына багышланган су тамашасы узачак.

Бәйрәм программасында – татар эстрадасы артистлары, республиканың сәнгать осталары һәм иҗат коллективлары концерты. Номерлар спорт мәктәпләрендә тәрбияләнүчеләр, Казан югары уку йортлары студентлары һәм республика җыелма командалары спортчылары чыгышлары белән аралаштырылачак.

Су тамашасы Сибгат Хәким ур., 70 адресы буенча Су спорт төрләре сараенда узачак. Бәйрәм 14:00 сәгатьтә башлана, дип хәбәр итә ТР Спорт министрлыгы.

Чыганак: kzn.ru