Татарстанда ял көннәрендә җылыта

Алдагы ялларда — 8-9 нчы октябрьдә, Татарстанда бераз җылытачак. Явым-төшемнәр көтелми, дип фаразалана.

Татарстан Гидрометеорология үзәге хәбәренчә, 8 октябрь, шимбә көнне, Татарстанның көнчыгышында бераз яңгыр сибәләргә мөмкин. Төнге сәгатьләрдә һава температурасы 3 градустан 8 градуска кадәр булачак.  Көндез һава 10-15 градуска кадәр җылыныр дип көтелә.

Якшәмбе, 9 октябрьдә, Татарстанда явым-төшем булмаячак. Һава температурасы төнлә +2дән +7 градуска кадәр, көндез +11дән +16 градуска кадәр җылы булачак.