Татарстанда юеш кар һәм көчле җил көтелә

Бүген, 5 нче мартта, Татарстанда һәм аның башкаласында һава шартларының начараюы фаразлана.

Казанда кар явуы көтелә, кайбер районнарда буран, томан. Җил төньяк-көнчыгыш уртача, юлларда бозлавык. Төнлә 3-5 градус салкын, көндез 1-3 градус салкын булачак.

Гомумән алганда, Татарстан буенча кар, юеш кар, көндез урыны белән көчле кар фаразлана. Аерым районнарда буран, төнлә һәм иртән урыны белән томан. Җил төньяк-көнчыгыштан, иртән һәм көндез көчле, урыны белән секундына 17-22 метрга кадәр, төнлә һаваның минималь температурасы нульдән 8 градуска кадәр, көндез -4 тән +1 градуска кадәр булачак. Юлларда бозлавык, урыны белән – кар көртләре, дип хәбәр итә ТР Гидрометеорология һәм әйләнә-тирә мохитне күзәтү идарәсе.

ТР буенча Эчке эшләр министрлыгының дәүләт автоинспекциясе машина йөртүчеләргә юл хәрәкәте кагыйдәләрен үтәү кирәклеге турында искә төшерә. Куркыныч маневрлардан, бигрәк тә каршы полосага чыгудан тыелырга кирәк. Куркынычсызлык каешларын эләктереп йөрү, ә 7 яшькә кадәрге балаларны махсус креслоларда йөртү сорала.

Җәяүлеләргә дә сак булырга – юлны бары тик махсус билгеләнгән урында светофорның рөхсәт ителә торган сигналына гына чыгарга кирәк, ә караңгы вакытта, күз күреме начар булган шартларда, яктылык кайтаргыч элементларны куллану сорала.