Татарстанда Yuki matsuri аниме-фестивале узачак

Бу көздә ТР Милли китапханәсендә Yuki matsuri гаилә аниме-фестивале узачак. Исеме  «Рухлар йөреше» дип тәрҗемә ителә. Бәйрәм кунаклары традицион һәм заманча япон мәдәнияте һәм традицияләре белән танышачак.

Фестиваль программасында берничә блок планлаштырыла:

Косплей (милли тематика буенча аерым номинация белән);

Ковер-данс һәм К-поп;

Арт конкурсы;

Уен зонасы.

Өстәмә рәвештә ярминкә һәм авторлар аллеясы, төрле китап нәшриятлары вәкилләреннән мини-лекцияләр, мастер-класслар, күргәзмә зонасы һәм башка күп нәрсәләр оештыру планлаштырыла.

Балалар, яшүсмерләр һәм өлкәннәр өчен керү ирекле.

Аниме-фестиваль Татарстанда «Беренчеләр хәрәкәте» төбәк бүлеге тарафыннан ТР Милли китапханәсе һәм «Аниме Лаборатория» япон мәдәнияте клубы белән берлектә үткәрелә.

Чыганак: ТР Мәдәният министрлыгы