Татарстанның Милли музеена бүген 128 ел тулды!

Милли музей — Татарстан һәм татар халкы тарихын иң тулы итеп чагылдыра торган музей. Гади музей гына да түгел, ә Россиядә иң бай тупланмага ия булган ядкярханәләрнең берсе. Ул Казан шәһәренең фән һәм сәнәгать музее буларак 1895 елның 5 апрелендә ачыла. Ачылганнан бирле ул Казанның үзенчәлекле Кәрван сарае — Гостиный двор бинасында эшли.

Татарстан Милли музее бинасы халык телендә ни өчен “Бегемот” дип атала? Зур янгын вакытында тарихи экспонатларны кемнәр саклап калган? Гомумән Гостинный двор бинасының тарихы Явыз Иван чорына барып тоташа. Ә музейның ишегалды тарихи фотосурәтләрдә бөтенләй сакланмаган диярлек. Совет чорында да ишегалды өмәләр вакытында гына ачылган. Серле ишегалды турында "Казан - куллану инструкциясе" тапшыруында музейның өлкән фәнни хезмәткәре Алсу Хәйруллина сөйли: https://www.youtube.com/watch?v=9iaM-uNx8s8