ТР Милли китапханәсе Китап бастыру эше мәктәбен эшләтеп җибәрә

Киләсе атнада Татарстан Милли китапханәсендә Китап бастыру эше мәктәбенең бушлай дәресләре башлана. Шәһәрдә яшәүчеләр китап булдыру процессын идеядән башлап дөньяга чыкканчы өйрәнә алачаклар.

19 нчы ноябрьдә 11:00 сәгатьтә катнашучылар рәссам һәм декоратор Марина Шәрәфетдинова белән «Глаголица» альманахы әсәренә иллюстрацияләр ясаячаклар. 12:00 сәгатьтә яңа яза башлаучы авторның кая мөрәҗәгать итә алуы турында ачык диалог башлана. Очрашуда Rideró нәшрият сервисының маркетинг буенча директоры Екатерина Шляхова катнашачак. 13:00 сәгатьтә КФУ каршындагы «Штрих» сәнгать студиясе җитәкчесе Дарья Мельникова график техника һәм китап иллюстрациясе тарихына багышланган лекция укыячак. Дәресләргә сылтама буенча язылырга мөмкин.

20 нче ноябрь көнне 11:00 сәгатьтә казанлылар янә Марина Шәрәфетдинова белән иллюстрацияләр ясый алачак. Ә 16:30 сәгатьтә «ВВерх!» яңа буын нәшриятын гамәлгә куючылар Вера Шумкова һәм Вера Полонская яңа авторлар белән эшләү форматы турында сөйләячәкләр. Теркәлү сылтама буенча алып барыла, дип хәбәр итә ТР Милли китапханәсенең матбугат хезмәте.

Чыганак: kzn.ru