УКУЧЫЛАР ҺӘМ УКЫТУЧЫЛАР МӘКТӘПТӘ ҺӨҖҮМ ОЧРАКЛАРЫНА ӘЗЕР БУЛЫРГА ТИЕШ!

Хокук бозуларны кисәтү буенча хөкүмәт комиссиясе укытучыларны һәм укучыларны мәктәпкә яки көллияткә һөҗүм иткән очракта әзерлеген арттырырга киңәш итте. Бу хакта Эчке эшләр министрлыгы башлыгы Владимир Колокольцев рәислегендә комиссия карарына сылтама белән "Известия" яза.

"Мәгариф оешмасына хокуксыз гамәлләр кылу максаты белән аерым затларның үтеп керүе очрагында педагоглар һәм укучылар гамәлләренең эшләнгән алгоритмы белән практик күнегүләр үткәрүне оештырырга", - диелә киңәшләрдә.

Шулай ук Мәгрифәт министрлыгы 2022 ел ахырына кадәр 100 меңнән артык халкы булган шәһәрләрдә "Авангард" яшьләрне хәрби-патриотик тәрбияләүнең төбәк укыту-методик үзәкләре булдыру мәсьәләсен дә эшләргә тиеш. Ә Мәгариф һәм фән министрлыгы Россиядә яшьләр үзидарәсе органнарын үстерү системасын булдырырга тәкъдим ителә.