Ураза бәйрәме алдыннан Казанда Кол Шәриф мәчетенә керү чикләнәчәк

Мөселманнарның иң зур бәйрәмнәренең берсе булган Ураза гаете алдыннан Кол Шәриф мәчете туристлар өчен ябык булачак. Мәчеткә 1 нче майның 19:00 сәгатеннән 2 нче майның 9:00 сәгатенә кадәр кереп булмаячак. Бу бәйрәм намазы уздыру белән бәйле.

Казан Кремленә килергә теләүчеләрнең барысыннан да маршрутны планлаштырганда мәчеткә кереп булмавын исәпкә алуны сорыйлар, дип хәбәр иттеләр музей-тыюлыкның матбугат хезмәтендә.

Исегезгә төшерәбез, 2 нче майда маршрутлары шәһәр мәчетләре янында уза торган автобуслар һәм троллейбуслар 5:00 сәгатьтә йөри башлаячак.

Моннан тыш, 30 нчы апрельдә X Республика ифтары кунаклары өчен Казан – Аэропорт – Казан маршруты буенча өстәмә шәһәр яны поездлары йөриячәк.

Чыганак: kzn.ru

Фото: Денис Гордийко