ВАКЦИНА ӘЗЕР!

Россиядә Covid-19 коронавирусыннан беренче вакцина әзер. Бу хакта РФ Оборона министрының беренче урынбасары Руслан Цаликов белдерде, дип хәбәр итә РИА Новости.

Элегрәк хәрби ведомствода вакцинаның клиник сынаулары тәмамлануы һәм барлык ирекле ярдәмчеләрнең чыгарылуы турында сөйләделәр. Оборона министрлыгы мәгълүматларына караганда, вакцинация нәтиҗәсендә барлык пациентларда иммунитет булдырылган.

«Чыгарылган вакытта иреклеләр коронавирустан иммунитет алгач, үзләрен яхшы хис иттеләр. Шулай итеп, яңа коронавирус инфекциясеннән беренче вакцина әзер», - дип билгеләп үтте Цаликов.

Хәрби вакциналар арасыннан ирекле ярдәмчеләрдә сыналган вакцина Н. Ф.Гамалеи исемендәге эпидемиология һәм микробиология милли тикшеренү үзәге тарафыннан эшләнә. Моннан тыш, Россиядә башка вакциналар да эшләнә, шулай ук Британиянең AstraZeneca компаниясе һәм Оксфорд Университеты төзегән препарат җитештерергә планлаштыралар.