VIII гасыр кулъязмасы нигезендә эшләнгән көмеш Коръәнне Казан Кремлендәге күргәзмәдә тәкъдим итәчәкләр

18 нче октябрьдә Казан Кремленең Ислам мәдәнияте музеенда «Көмеш Коръән» күргәзмәсе ачыла. Экспозициядә югары пробалы көмештән ясалган һәм 162 биттән торган «Госман Коръәне» VIII гасыр кулъязмасының төгәл күчермәсе тәкъдим ителәчәк.

«Көмеш Коръән» – ислам традициясендә сәнгать предметы, ул Россиядә генә түгел, Казахстанда, Үзбәкстанда, Катарда һәм башка илләрдә дә саклана. Китап Россиянең ислам динен тотучы һәм аның кыйммәтләрен дәвам итүче халыкларга хөрмәт йөзеннән чыгарылган. «Көмеш Коръән»дә мәңгелек текст затлы материалда тупланган һәм Россия зәркәнчеләренең осталык үрнәге булып тора.

«Көмеш Коръән» 2010 елның ноябрендә РФ Финанс министрлыгының Гознак Мәскәү тәңкә ишегалдында эшләнгән. Идеянең авторы Владимир Прусаков булган. «Көмеш Коръән» нигезендә – мөселманнарның изге китабының иң борынгы һәм сирәк очрый торган исемлеге булган «Госман Коръәне». Дөньяның төрле почмакларында – Истанбул, Ташкент, Каһирә һәм Санкт-Петербургта – изге китапның дүрт борынгы исемлеге саклана. Нәкъ менә Петербург кулъязмасы көмеш тәлинкәләргә күчерелгән.

Күргәзмә 14:00 сәгатьтә ачылачак һәм бу ел ахырына кадәр эшләячәк. Экспозиция ачылган көнне – керү бушлай, калган көннәрдә күргәзмәне билетлар буенча карарга була, дип хәбәр итә «Казан Кремле» музей-тыюлыгының матбугат хезмәте.

Чыганак: kzn.ru