Ял көннәрендә Бауман урамында: экскурсия, диджей-сетлар һәм электрон дуэт концерты

Казанның парклар һәм скверлар дирекциясе Бауман урамын төрле чаралар өчен мәйданчык буларак сыный. Якын көннәрдә биредә музыкантларның чыгышы, диджейдан концерт һәм гадәти булмаган экскурсия узачак.

29 нчы июльдә казанлылар һәм шәһәр кунаклары алдында Yummy Music лейблы артистлары – Urtic электрон дуэты чыгыш ясаячак. Концерт 19:00 сәгатьтә башлана, очрашу урыны – Бауман ур., 19 адресы буенча урнашкан Матбугат йорты яны.

30 нчы июльдә Фәннәр академиясе яныда үз сетларын диджей Drugolega (dnmk) тәкъдим итәчәк. Музыкантны 19:00 сәгатьтә тыңларга мөмкин булачак. Очрашу урыны – Бауман ур., 20.

31 нче июльдә төп җәяүлеләр урамында узачак «Казан андеграунды» экскурсиясе ял көннәренең соңгы чарасы булачак. Катнашучылар Бауман урамында экскурсовод һәм Казан хип-хопы һәм рок-музыка тарихы турында документаль фильмнар авторы Руслан Мөхәммәтовның хикәяләре белән сәфәр кылачаклар. Сәфәр 18:00 сәгатьтә башлана. Чарада катнашыр өчен алдан теркәлергә кирәк. Очрашу урыны – Бауман ур., 38/17.

Чаралар Казан Мэриясе – Мәдәният идарәсе, Вахитов һәм Идел буе районнары администрациясе ярдәме белән оештырылды, дип хәбәр итә Парклар һәм скверлар дирекциясе.