Ялларда язны көтмәгез!

Ял көннәрендә, 12 һәм 13 мартта, республикада югары кан басымының йогынтысында шулай ук салкын һәм, нигездә, коры һава торышы сакланачак. 13 мартта көндез урыны белән кар явуы мөмкин. Аерым районнарда томан булырга мөмкин. Төнге сәгатьләрдә температура 17-22 градус салкын, аязган вакытта һәм түбәнлекләрдә 23-28 градуска кадәр суык көтелә. Көндез 5-11 градус салкын булачак.

Татарстан Республикасы Гидрометеорология үзәгенең фаразына караганда, киләсе атна башында һава шартлары төньяк циклон һәм аның атмосфера фронтлары йогынтысында формалашачак. Аз гына кар явачак. Төнлә температура 9-14 градус салкын, көнчыгышта - минус 17 градуска кадәр, көндез - минус 1-6 градус булачак.