Яшьләрне эшкә алу отышлы!

Яшьләрне эшкә урнаштырган өчен Россия компанияләренә акча бирелә башлый. Хөкүмәт рәисе Михаил Мишустин, 30 яшькә кадәрге эшсезләрне хезмәт урыны белән тәэмин иткән өчен, субсидияләр бирү турындагы карарны имзалады

Моңа кадәр бу бары тик 30 яшькә кадәрге аерым бер төркемнәргә генә кагыла иде. Оешмалар беренче субсидияне яшь кешене эшкә урнаштырганнан соң, икенчесен – өч айдан, өченчесен алты айдан соң алачак.

Акча күләме 3 уртача минималь хезмәт хакы күләменә тиң, һәм ул район коэффициенты, иминият кертемнәре һәм эшкә урнаштырылганнар саны суммасы күләменә арттырыла. 1 июньнән  минималь хезмәт хакы 15 279 сумны тәшкил итә.