ЯШҮСМЕРЛӘРГӘ ВАКЦИНАЦИЯ МӘҖБҮРИ БУЛЫРМЫ? БӨТЕНДӨНЬЯ CӘЛАМӘТЛЕК САКЛАУ ОЕШМАСЫ КАРШЫ...

Бөтендөнья сәламәтлек саклау оешмасы балаларга һәм яшүсмерләргә коронавирустан гомуми вакцинация үткәрергә киңәш итми, дип хәбәр итә ТАСС.

Оешмада аңлатуларынча, бу яшь төркемдә авыруның авыр агымы очраклары аз, шул ук вакытта кайбер илләрдә югары куркыныч төркемендә булган кешеләр тулысынча вакцинацияләнмәгән.

"ВОЗ хәзерге вакытта балалар һәм яшүсмерләрнең гомуми вакцинациясен киңәш итми, чөнки бу яшь төркемдә җитди авырулар очраклары түбән һәм иң югары куркынычка дучар булган төркемнәр арасында барлык илләрдә дә прививкалар ясавына ирешә алмыйлар", - диелә иммунизация буенча ВОЗ экспертларының стратегик консультатив төркеме белдерүендә.

Исегезгә төшерәбез, 24 ноябрьдә Россия Сәламәтлек саклау министрлыгы 12-17 яшьлек яшүсмерләр өчен "Спутник М" коронавирусыннан вакцинаны теркәде. 10 декабрьдә Сәламәтлек саклау министрлыгы башлыгы Михаил Мурашко яшүсмерләрнең вакцинациясен 2021 елда башлау планлаштырыла, дип белдерде. Бу атнада Сәламәтлек саклау министрлыгы илкүләм прививкалар календаренә яшьүсмерләргә коронавирустан эпидемия күрсәткечләре буенча  ирекле вакцинация кертте.