Yummy Music Band Илһам Шакировның югалган җырларын яңгыратачак

Ямьле кичә сәгать19:00да башланачак. Тамашачыларны 20дән артык музыка коралында уйналган теле музыка, тере тавыш көтә.

Юрий Федоров җитәкчелегендәге Yummy Music Band төркеме Шакиров иҗатының төрле чорларына караган җырлар башкарачак. Бу юлы узачак концертта танылган артист Зәйнәп Фәрхетдинова да катнашачак. Моның турында чарага бәйле матбугат конференциясендә билгеле булды. Зәйнәп Фәрхетдинова үзе әйтүе буенча, ул лейблның иҗатын яратып күзәтеп бара һәм алар белән чыгыш ясарга үзе теләк белдергән.

Юрий Федоров җитәкчелегендәге Yummy Music Band төркеме Шакиров иҗатының төрле чорларына караган җырлар башкарачак. 17 февраль булачак концертта Илһам Шакировның бик үк популяр булмаган һәм берникадәр "югалып" калган җырларын да яңгыратачак. Лейбл җитәкчесе Ильяс Гафаров музыкант һәм журналист Рәдиф Кашапов белән берлектә музыкаль мирасны барлау һәм торгызу эшен алып баралар.

Хәтерләсәгез, моңа кадәр Илһам Шакировка трибьют узган җәй Кабан күле яр буенда һәм ноябрь аенда Филармония залында тәкъдим ителгән иде. Ул вакытта 600 урынлы залга билетларны бик тиз сатып алып бетергәннәр иде. Әгәр бу концертны инде карадым дип килми калырга уйласагыз, кире уйлагыз, чөнки бу кичәдә яңалыклар күп булачак.