«Yummy Music»тан ямьле кич

«Сәйдәш» мәдәният үзәгегдә альтернатив сәхнә йолдызлары: Илгиз Шайхразиев, Эльвира Мифтахова, Артур Мингазов, K-Ru, Усал, Azat Gilmetdin һәм Said Olur чыгыш ясаячак.

Бер ел элек Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәмендә «Ямьле кич» проектына старт бирелде. Аның кысаларында көтелмәгән яңа коллаборацияләр туды, танылган татар композицияләренә яңа сулыш бирелде. Әлеге гала-концерт шушы зур музыкаль проектның финал аккорды булачак.