Журналист, җәмагәть эшлеклесе Әлмирә Әдиатуллинаны искә алу кичәсе узачак

8-нче август көнне 12:30 сәгатьтә "Ярдәм-Помощь" гомуммилләт хәйрия фондының чатырында журналист, җәмагәть эшлеклесе Әлмирә Әдиатуллинаны искә алу кичәсе узачак. 

Әлмира Лотфулла кызы Әдиатуллина узган елның 27-нче июлендә вафат булды. Ул гомерен татар милләтен танытуга, әхлак кагыйдәләренең үтәлешенә чакыруга багышлады. 
Чарада «Фидакарь мөслимә» исемле тарихи-публицистик жанрда язылган китап та тәкъдим ителәчәк. Китапта Әлмира Әдиятуллинаның тормыш юлы язылган, аны белгән танылган шәхесләрнең истәлекләре бирелгән һәм фотографияләр белән баетылган. Аның авторы — ветеран-журналист Вәсилә Рәхимова, бу авторның татар-мөселман шәхесләренә багышланган 14 нче хезмәте.