Зифа Кадыйрова яңа әсәрен тәмамлый

Зифа Кадыйрова үзенең чираттагы әсәрен тәмамлап килә. Кулъязманы инде басмага тапшырыр вакыт та килеп җитә, ләкин әсәрнең исеме юк икән әле.

Бу хакта chelny-izvest.ru хәбәр итә.

Басмада искәртелгәнчә, автор әсәрнең исемен ныклап уйлый. "Йөзләгән вариант бар, ләкин укучыларның йөрәгенә үтеп керерлек исем бирәсе килә", ди икән З.Кадыйрова яңа иҗат җимеше турында.

Нинди булыр бу әсәр, укучылар йөрәген яулый алырмы - тиздән белербез.

Сүз уңаеннан, тиздән Казанда Яр Чаллы татар дәүләт драма театры гастрольләре узачак. Театр башкала тамашачысына Зифа Кадыйрованың "Язмыш сынавы" һәм "Сагынырсын, мин булмам" әсәрләре буенча куелган спектакльләрне тәкъдим итәчәк.

Фото protatarstan.ru сайтыннан алынды