-
"Кыямовлар кыздыра": Бүгенге татар журналистына иҗадилык җитми! "Идел-online" ютуб-каналында "Кыямовлар кыздыра" тапшыруының чираттагы чыгарылышы!
-
Әлмәттә “Индустрия скверы” ачыла Монда “Карамай барлыкка килү теорияләре” муралы, “Кояш факелы” медиаобъекты, “Нокта” исемле лазерлы инсталляция белән дә танышырга мөмкин.
-
Яңа 100 сумлык купюралар тәкъдим ителде Иске йөзлекләр 10 ел дәвамында яңалары белән бергә әйләнештә булачак.
-
Оймяконнан Мәскәүгә кадәр... атта! Җайдак сәяхәтче былтыр март башында Оймяконнан чыгып китеп, якынча 9 мең ярым километр юл узган.
-
КФУның «Татар теле, әдәбияты һәм рус теле» дигән яңа программасына 25 бюджет урыны бирелгән 20 июньдә югары уку йортларына беренче курска укырга керү өчен документлар кабул итү кампаниясе башланып китте.
-
"Яңа дулкын" ютуб-каналында Илдар Кыямов башкаруында "Янбикә" җыры "Яңа дулкын" ютуб-каналында яңа җыр урнаштырылды. "Янбикә" җырын телевидение алып баручысы, нәфис сүз остасы Илдар Кыямов башкара.
-
Ренат Әюпов "Йосыф" кыйссасы турында: "Бер-береңне ишетү өчен бераз тынлык кирәк" Кариев театры сәхнәсендә “Йосыф” кыйссасы тәкъдим ителәчәк. Шул рәвешле Яшь тамашачылар театры татар халкының яраткан китабына яңача караш ташларга чакыра.
-
«UenFest» җиңүчеләре “СОЧИ ПАРК”ка юллама отты! Бүген Казан Кирмәне балаларның тавышыннан гөрләп торды. Биредә алар өчен төрле уеннар, чаралар оештырылды.
-
Стресслы хәлләргә ни рәвешле ресурслар тупларга
Мода дия күрмәгез
Казанның карлы-яңгырлы-сулы-бозлы урамнарында йөргәндә ирексездән яшьләрнең аяк киемнәренә карап куйдым. Һәм шаккаттым! Ниләр генә кимиләр икән бит! Үзем дә яшь буын вәкиле саналганга, хәзер сезгә капка төбендә көнбагыш ашап утыра торган әбиләрдәй тоелырмын, ләкин кайбер «мода» үрнәкләрен фотога да төшереп алдым.
Иң шаккатырганы: алагаем зур табанлы итекләр булды. Менә-менә егыла язып барса да, абынмый, сөртенми тагын үзләре. Минем генә алар өчен кайгырып, нервыларым бераз ашалды, әлбәттә... Баксаң, мода белгечләре калын табанны хуплый: буйны да озынрак күрсәтә, пычранмый да, ди. «Платформа»лы аяк киемнәре җитмешенче-туксанынчы елларда бик популяр була. Ә тарихы, гомумән, XVI гасырдан ук башлана. Ул чакта мондый аяк киемнәрен балчык юлда батмас өчен кигәннәр – тротуарлар юк заманнар бит! Бүген исә ул көязлек билгесе генә. Сүз уңаеннан, XVII гасырда очлы башлы аяк киемнәрен чүп-чар җыючылар кигән, андый аяк киеме белән юл кырыендагы чокырлардан чүпне алуы уңайлырак булган ди.
Бүген исә төсле баулы итек киючеләрне дә шактый очраттым. Үземнең танышлар арасында да сары шнурлы аяк киеме киючеләр бар. Ә нигә кимәскә ди: сары төс кәефне күтәрә, соры Казан асфальтына ямь өсти. Әмма шнурлар белән сак булырга кирәк. Алар төрле төркемнәр өчен билгеле бер мәгънәгә ия. Мәсәлән, ак шнурларны үз вакытында нацистлар бәйләгән. Америкада полиция хезмәткәрен үтергәннәр үзенең «зур эш» эшләгәнен күрсәтергә теләп, зәңгәр бау таккан. Коммунист һәм анархистлар аяк киемнәренә кызыл шнур сайлаган. Сары төсне – антинацистлар, яшелне табигатьне саклаучылар үз иткән.
Шунысын да әйтим: Казан урамнарында иң популяр аяк киеме: кроссовки! Комплектта, гадәттә, ак оек һәм... өшеп-туңып-катып беткән кымач-кызыл тубык. Әллә хәзерге темплар белән яшьләрнең аяклары туңып өлгермиме? Кем белгән? Әлбәттә, яшьтәшләремне тәнкыйтьләп утырасым килми, шуңа барыгызга да уңайлы аяк киемнәре теләп калам!
Иң мөһим һәм кызыклы язмаларны Татмедиа Telegram-каналында укыгыз