31 октябрь 2023 яңалыклары

«Казан Экспо» залында «Татарстан – безнең йортыбыз» республика этномәдәни фестиваленең гала-концерты узачак. Шул рәвешле 3 ноябрьдә узачак зур чара Милли мәдәниятләр һәм гореф-гадәтләр елына йомгак ясалачак.

Программа белән танышыгыз.

Татар мәдәнияте иң алга киткән шәһәр нинди, дигән сорауга һәркем, ике дә уйламыйча, «Казан» дип җавап бирәчәк. Тик соңгы елларда республиканың башка шәһәрләре дә милли мәдәни чаралар уздыруда активлашты. Мәсәлән, бу өлкәдә Чаллы тәҗрибәсе аеруча кызыклы. «Безнең максат – Казан булмаган теләсә кайсы шәһәрдә татар мәдәниятен үстереп булуын исбатлау», – ди Чаллыдагы Urbantatar оешмасы җитәкчесе Гүзәл Әхмәтгәрәй.