АЛИНӘ ЗАҺИТОВА БЕРЕНЧЕ КАНАЛДА ТАПШЫРУ АЛЫП БАРАЧАК

Танылган яшь фигурачы Алинә Заһитова беренче каналдагы тапшыруны алып барачак.

Инстаграм

2018 елгы Олимпия чемпионы Алинә Заһитова «Ледниковый период» телепроектын алып баручы буларак эшли башлый. Аның белән бергә бу эшкә шулай ук Олимпия чемпионы Алексей Урмановны да чакырганнар.

Тапшыруның продюссеры Илья Авербух Алинәнең атнага 4 көн эшлиячәген әйтеп узды.

Узган ел ахырында Заһитова үзенең спорт карьерасын туктатып торуы турында хәбәр иткән иде, әмма үзизоляция режимы тәмамланганнан соң, спортчы күнегүләрне яңадан башлап җибәрде. 2020 елның җәендә фигуралы шуу остасы Россия халык хуҗалыгы һәм дәүләт хезмәте академиясенә көндезге бүлеккә укырга керде.