Белгечләр COVID-19 белән зарарлану куркынычы югары булган ӨЧ УРЫННЫ билгеләде

Кешеләр вируска бик җиңел карый башладылар. Битлек киеп йөрүдән һәм социаль дистанцияне саклаудан туктадылар. Россиядә COVID-19 белән авыру куркынычы һаман да көчле.

Татарстанда коронавирустан ике үлем очрагы теркәлгәне турында хәбәр иткән идек инде. Шуңа да карамастан, җәмәгать урыннарына йөрү рөхсәт ителә. Кайда вирусны эләктерү куркынычы зуррак икән?

Беренче урында вентиляция начар эшләгән, еш җилләтелмәгән биналар тора. Кафе һәм рестораннарда кешеләр санын һәм дистанцияне гына билгеләү җитми. Биналарны мәҗбүри һәр ярты сәгать җилләтергә, вентиляцияләр урнаштырырга һәм дымлы уборка ясарга кирәк. Һәм, әлбәттә, маска, перчатка белән керү зарури.

Зарарлану куркынычы югары булган икенче урын – ул җәмәгать транспорты. Кешеләр автобус, троллейбус һәм поездларда бер-берсенә бик якын утырып яки басып йөриләр. Ничә карама, автобуслар шыгрым тулы, час-пик вакытында алма тешәргә дә урын юк. Бу вакытта кеше, әлбәттә, бер-берсе белән контактка керә һәм шулай вирусны таратучыга әверелә. Әлеге очракта җәмәгать транспортларының йөрү вакытын ешайтырга, салонны һәрдаим җилләтергә һәм маска, перчатка турында онытмаска кирәк.

Өченче урында - теш табиблары яки тешләрен дәвалаучылар. Татарстанда тешләрен дәвалаганнан соң вирус белән зарарланучылар саны еш теркәлә. Бу очракта табибларга җиһазларны еш стилизларга, бинаны ярты сәгать саен җилләтергә киңәш ителә.

Авыручыларның саны кимүе бары тик кешенен үзеннән тора! Авыручылар сезнең арагызда булырга мөмкин, шуңа күрә үзегезне саклагыз! Җәмәгать урыннарында маска һәм перчаткаларыгызны онытмагыз! Сәламәт булыгыз!