Мәдинә Гайнуллина: "Кайгыларны юар бер сүз дә юк" (видео)

26 март көнне юл һәлакәтенә очрап вафат булган Илшат Агиев язмышы һаман да хәтердән китми. Шулай яшь килеш дөньядан киткәненә ышанасы, кабул итәсе килми. Бүген Әлмәт татар дәүләт драма театры актрисасы Мәдинә Гайнуллина инстаграм сәхифәсенә Илшатның җырлап төшкән видеосын урнаштырган. Аны карагач, күзгә ирексездән яшь килә.

"Кайгыларны юар бер сүз дә юк. Син дә юк. Телефонымда син булган фотоларны эзлим, алар бик күп. Ә үзең юк...Бар дөньяга ачы итеп кычкырасым килә. Син җырлаган җырдагы кебек...
"Нигә син гомер,нигә соң?!
Тигез түгел барсына?!.."

Бу җырны син бигрәкләр дә ярата идең бит, Илшат. Аннары "Ак болытлар"җыры. Синең тавышың яңгырый күңелемдә..." - дип яза Мәдинә. 

ФФото һәм видео: Мәдинәнең шәхси архивыннан алынды