Логотип Идель
Эксклюзив

Театр карантинда: артистлар ничек яши?

Барыбызга да мәгълүм, массачыл-мәдәни чараларның вакытын күчерделәр. Шул исәптән, театрлар да карантинда. Бүгенге көндә артистлар ни белән шөгыльләнә һәм коронавирус китереп чыгарган вәзгыятькә ничек карый? Алар белән шул хакта сөйләштек.

Барыбызга да мәгълүм, массачыл-мәдәни чараларның вакытын күчерделәр. Шул исәптән, театрлар да карантинда. Бүгенге көндә артистлар ни белән шөгыльләнә һәм коронавирус китереп чыгарган вәзгыятькә ничек карый? Алар белән шул хакта сөйләштек. 

Булат Гатауллин (Г.Кариев исемендәге татар дәүләт яшь тамашачылар театры артисты):

"Без 15 апрельгә кадәр спектакльләр уйнамаячакбыз, шулай ук Мәскәү гастрольләре  дә күчерелде. Ләкин театрның эше туктатылмый - премьерага әзерлек бара.
Коронавирустан куркам, - дип әйтә алмыйм. Иң мөhиме паникага бирелмәскә, сәламәтлекне кайгыртырга, үзебезгә hәм якыннарыбызга игътибарлырак булырга! Барысы да Аллаh Тәгалә кулында!"

Айсылу Мөсәлләмова (К.Тинчурин исемендәге татар дәүләт драма һәм комедия театры артисты):

"19 нчы марттан алып 15 нче апрельгә кадәр безнең театрыбызда планлаштырылган спектакльләр кичектерелде. Без карантинда булсак та, репетицияләр шулай ук элеккечә дәвам итә. Вокал, бию дәресләренә киләбез һәм инде спектакльләребезне уйнамасак та, музыкаль репетицияләр өчен җыелышабыз. Безгә махсус маскалар тараттылар, гомум гигиена таләпләрен үтәргә куштылар, без әлегә театр эчендә шулар ярдәмендә сакланабыз.
Миндә әлегә курку хисе юк. Тормыш шулай ук дәвам итә, гадәти вируслы инфекцияләрдән ничек сакланган булсам, шул ук кагыйдәләрне үтәргә тырышам.
Кибет киштәләрендә карабодай ярмасы һәм бәдрәф кәгазьләре беткәнен күрсәм дә, мин дә дулкынлану хисе нишләптер булмады. Мин үзем карабодай белән бик дус. Ләкин беткән чагына туры килеп, 4 көн буе Казанның кермәгән кибетләре калмады. Гап-гади карабодайны эзләп, болай йөрермен дип һич кенә дә уйламаган идем".

Театр артистлары әнә шулай көн күрә. Сүз уңаеннан, карантин вакытында студентларның дистанцион укулары турында да язган идек. 

Фотолар: театрларның "Вконтакте" төркеменнән

Текст после содержания указынный в настройках

«Идел» журналы 16+

Теги: Кариев театры Кытай, коронавирус, Русия Тинчурин театры

Следите за самым важным и интересным в Telegram-каналеТатмедиа

Нет комментариев