БЕРЕНЧЕ ШИГЫРЬ. ЛӘЙЛӘ ХӘБИБУЛЛИНА

"Идел" журналында "инсташигырь" дип аталган рубрика бар. Сайтта да тәҗрибә ясап карарга булдык. Инсташигырьләр укылырмы икән?

***
Йөрәктә
тоташтан көз булгач,
җилләре, котырмый, нишләсен?..
Син генә
наз тулы сүзләрдә
салкынлык гамьнәрен ишетәсең.

Бер сиңа
исбатлый-исбатлый,
мин үзем мең кабат ышандым –
сыеныр кочагың
булганда,
куркытмый суыгы кышларның.

Мең кабат төшендем... зур ялгыш –
саклавы хатирә киштәсен.
Йөрәктә
тоташтан көз булгач,
җилләр соң, котырмый, нишләсен?..