Сөй гомерне, сөй халыкны, сөй халыкның дөньясын!
  • Рус Тат
  • Реклама
    Яңалык/Эксклюзив

    ҖИЛ ДӘ ЮК...

    Илергән даланың тынлыгы
    колакка ят сыман.

    Ярсыган атларны куалап,
    бик күптән,
    күптәннән узганнар.

    Басылган тузаннар.

    Җил дә юк.
    Ул әллә адашкан,
    басылып торырлык
    саташкан.

    Җил дә юк...

    Тын гына
    кем атлый еракта?
    – Без монда, әй һәй-һәй,
    бу якта!
    Син кайдан?
    Юлың кай тарафка?..

    – Төн ката йөрергә
    ни хаҗәт?
    Юлбасар очраса,
    юлыгыз киселер...
    Югалган Асыл Зат
    исемем.

    Реклама

    – Без сиңа иярик,
    юлтабар булырбыз.
    Иярсен кызыбыз, улыбыз...

    – ...салырсыз җиде кат туныгыз!..

    – Әй дәрвиш!
    Безне дә алыгыз!

    – Мин әйттем:
    яңа юл салыгыз.

    ...Тилергән далада кем булмас;
    басылган җил тузан туздырмас.
    Сер бирми ятларга,
    таң атып ятканда,
    көч-егәр бар әле
    Ат-лар-га!

    Гөлназ НУРИЕВА

    Автор шигырьләре:

    ҺӘРБЕР ДОГА - БӘХЕТ ӨЧЕН ТЕЛӘК

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИДЕЛ. ГЫЙНВАР САНЫН УКЫЙБЫЗ.
    • "Отмена ЕНВД. Что делать?"
    • ИДЕЛ, ДЕКАБРЬ. ЭЧТӘЛЕК
    • ЯЗЫЛЫРГА ӨЛГЕРЕГЕЗ!
    • ӘДӘБИ МАРАФОН. ФОТОРЕПОРТАЖ
    • БЕЛЕМ ҖӘҮҺӘРЛӘРЕ. ФОТОРЕПОРТАЖ
    • ПОЛИЦИОНЕР. ТИНЧУРИН ТЕАТРЫ
    • Кышкы язылу өчен бүләк от!
    • ӘДӘБИ СУД. ИДЕЛ.
    • ИДЕЛ. ЯШЬЛӘР ШУРАСЫ