Алар чын хатын-кыз бул диләр (видео)

Ләйлә Лерон, Алсу Хафиз һәм Айнур Әхмәтов "Алар чын хатын-кыз бул диләр" видеосын татар теленә тәрҗемә итеп керттеләр.

Видеороликның оригиналы "Be a lady they said" дип атала. Ләкин инглиз вариантыннан ул аерыла: татарларга гына бәйле булган кадрлар, сүзләр дә бар. Видеода ямьсез, дорфарак кадрлар да бар, шуңа күрә аны балалар белән карап булмый, әлбәттә. Әлеге ролик бүгенге заманда хатын-кызга артык күп таләп куелыы хакында. Мисал өчен, шушы видеодан кыска гына өзек: "Алар чын хатын-кыз бул, диләр. Итәгең бик кыска. Итәгең бик озын." Видео зур резонанс тудырды: кемдер бу сүзләр белән килешә, кемдер юк нәрсәдән проблема ясыйсыз, ди. Әлегә видео 1700дән артык карау җыйган.  Ләйлә Лерон белән әңгәмәне сайттан укып була.