Чәчтарашханәләр эшли башлады

Татарстанда коронавирус инфекциясе пандемиясе фонында гомуми изоляция шартларында чәчтарашханәләр эшен рөхсәт иттеләр. Бу хакта ТР Министрлар Кабинеты карарында әйтелде.

Чәчтарашханәләр эшчәнлеге өчен кайбер кагыйдәләр кертелде:

• смена башланыр алдыннан хезмәткәрләрнең тән температурасын үлчәтергә, ОРВИ симптомнары булу турында сорашырга һәм авырулар билгеләре булган затларның эшенә юл куймаска кирәк;
• бинадагы өслекләрне, гомуми файдалану урыннарын, шулай ук инвентарь һәм җиһазларны көнгә кимендә өч тапкыр дезинфекцияләргә кирәк;
• һәркемгә керергә мөмкин булган урыннарда ОРВИ профилактикасы турында мәгълүмат урнаштырырга;
• смена тәмамланганнан соң бинаны дезинфекция чаралары кулланып җыештырырга.

Оешмаларга һәм шәхси эшмәкәрләргә гражданнар белән үзара ярдәмләшеп, хезмәткәрләрне тире антисептикалары, шәхси саклану чаралары белән тәэмин итәргә, шулай ук килүчеләрнең кулларын дезинфекцияләү чаралары белән эшкәртергә; килүчеләрне алдан язылу буенча гына кабул итәргә, шулай ук кабул итүләр арасында бинаны җилләтү һәм эш урынын, ишекләрне дезинфекцияләү өчен 10 минутлык тәнәфесләр оештырырга; хезмәткәрләр арасында 1,5 метрдан да ким булмаган социаль дистанцияне үтәргә кирәк.

20 апрельдән цифрлы үткәргечләр системасына 11 нче максат - "чәчтарашханәдә булу" өстәләчәк. Татарстанлылар чәчтарашханәдә булу өчен цифрлы пропускларны онлайн рәвештә ovid19.tatarstan.ru сайттагы шәхси кабинет аша гына ала алачак. Чәчтараш янына айга бер тапкыр гына барырга мөмкин булачак. Үткәрү вакыты - ике сәгать.

Чыганак: инде