ДИНИ ТЕМАГА «ТАЯН АЛЛАГА!» ӘДӘБИ КОНКУРСЫ СТАРТ АЛДЫ!

Каләм тибрәтүче дусларыбыз! Сезгә бик тә мөһим яңалыгыбыз бар!

Дини темага «Таян Аллага!» әдәби конкурсы старт алды! Аны ТР Диния Нәзарәте, Россия Ислам институты белән берлектә, «Идел» журналы оештыра.  

«Таян Аллага!» конкурсында 10 яшьтән алып 45 яшькәчә һәрбер теләгән кеше катнаша ала. 10 гыйнвардан 30 апрельгә кадәр шигырь, чәчмә әсәр, пьесалар һәм публицистик язмалар кабул ителә. Әсәрләрдә Аллаһны зурлау, ислам дине алга сөргән әхлакый, тәрбияви һәм рухи кыйммәтләр, тормыш иткәндә ирешелгән хикмәтләр, дини остазлар язмышы яктыртыла ала.

Әлеге бәйгегә үз вакытында татар мәгърифәтчесе, галим һәм дин эшлеклесе Вәлиулла хәзрәт Якупов нигез сала. Узган елгы бәйгедә җиңүчеләр эшләре белән «Идел» журналының декабрь санында (№12, 2020 ел), кайберләре белән биредә:

http://idel-tat.ru/news/literatura-tt/pimadur-khikya 

http://idel-tat.ru/news/literatura-tt/yaratu-yashsen-yorkt таныша аласыз.

«Таян Аллага!» – Россия Федерациясендә яшәүче татарлар арасында талантларны барлау һәм берләштерү, аларның иҗади эшчәнлекләрен үстерү максатында уздырыла.

Конкурсның бурычлары: сәләтле яшьләргә, башлап язучыларга иҗади үсеш өчен шартлар булдыру; татар телен, әдәбиятын, мәдәниятен һәм ислам динен пропагандалау.

Бәйгенең нигезләмәсе - 600ac0fccf2ad_Tayan Allaga 2020.pdf