Илсөя Бәдретдинова хачапури пешерергә өйрәтә (рецепт)

Һәр эшендә булган ул, талантлы һәм уңган ул! Илсөя Бәдретдинова җырларга гына түгел, аш-суга да бик оста. Сез инде безнең сайтта чыккан "Шәпский тавык" (чыннан да шәпский) рецептын күргәнсездер. Ә менә җырчы пешергән хачапури рецептын күрдегезме? 

Рецепт җырчының инстаграмыннан үзгәртелмичә алынды:

"Тиз генә бер тәмле әйбер пешерергә өйрәтәм яме...
1. Слоеный әзер камыр
2. Майлырак сыр
3. 3 күкәй
Камырны ( эчендә ике шакмак җәймә була)
4 кә бүлергә. Барлыгы 8 хачапури килеп чыга.
Әзерәк җәергә...
Камырлар уртасына, уылган сырга ике күкәй кушып бутап уртасына урнаштырырга да дүрт почмагын чеметеп куярга. 
Өсләрен теге өченче күкәйнең сарысы белән майларга һәм духовкага.
Духовка листын майламыйм,тоз кушмыйм. Ничә минут пешкәнен дә белмим. Үзе күренә ул. Камырына карап. Бик тиз!!! Бик тәмле!!!
Эченә ни кыстырсаң да була. 
Эремчек, пешкән күкәй, изгән бәрәңге,фарш,кыздырган гөмбә,чия..."