КОНЦЕРТКА КАЙЧАН БАРАБЫЗ?

      Концертлар сентябрь аенда гына куела башларга мөмкин, дип хәбәр иткән РФ мәдәният министры урынбасары Алла Манилова "Интерфакс"ка. 

pixabay.com

      "Санитар-эпидемиологик куркынычсызлыгын сентябрь өчен хәзер үк фаразлап булмый. Шуңа күрә таләпләр Роспотребнадзорга август аеннан да иртәрәк җибәреләчәк. Репетиция  үткәрүгә таләпләр якын арада билгеле булачак", - дигән ул.

     Сүз уңаеннан, ТР мәдәният министры Ирада Әюпова Татарстанда зур булмаган концертлар июнь аенда куела башлаячак, дигән иде.