Коронавирус. 10нчы үлем

Бүген Татарстанда коронавирусның 75  яңа очрагы һәм бер үлем теркәлгән.

24 кешене хастаханәгә алып киткәннәр, 51 кеше җиңел формада авырганлыктан дәвалануны өендә уза.

Шулардан 1 очрак чит илдән кергән, калганнары якыннары белән контактка керүдән барлыкка килгән.

Республикада коронавирустан 10нчы үлем расланды.

20 майда Казанның 1963нче елгы кешесе вафат була. Ул 13 майдан бирле хастаханәдә дәвалану ала. Ләкин аның гомерен саклап кала алмыйлар. Диагнозы патологанатом экспертизасыннан соң раслана.

Барлыгы Татарстанда 2621 очрак теркәлгән. Соңгы тәүлек эчендә 246 кеше терелеп чыккан.

Яңа авыраучыларның яше буенча карасак:

18 яшькәчә 1 бала,
18 яшьтән 30га кадәр – 3 кеше,
30дан 50гә - 31,
50дән 60ка – 14,
60тан 70 яшькәчә - 16,
70тән 80 яшькә кадәр - 7, 
80нән 90гача 3 кеше теркәлгән.

Географиясе буенча:

Казан – 24,
Яр Чаллы – 23,
Әлмәт - 1,
Апас - 6,
Әтнә - 1,
Биектау - 1,
Яшел Үзән - 3,
Лаеш - 1,
Түбән Кама - 7,
Питрәч - 2,
Балык Бистәсе - 4,
Саба - 1,
Тукай районында 1 кешедә коронавирус инфекциясе табылган.