Ләйсән Мәхмүтованы хастаханәгә ни сәбәпле алып киткәннәр?

Ләйсән Мәхмүтова  эче авыртып хастаханәгә эләгүе турында үз инстаграм битенә фото урнаштырган. Бу хәл "Зәңгәр шәл" спектакле алдыннан була. Артист анда уйнарга тиеш булган булса да, эче авырту сәбәпле, сәхнәгә чыга алмый кала. Җырчыга ашыгыч рәвештә операция ясыйлар.

Аның сукыр эчәген (аппендиксын) алганнар икән. Хәзер җырчы үзен әйбәт хис итүен хәбәр итә. Постында ул болай яза:

«Больницада ятуымны белгәч, шулпалар, ризыклар, әфлисуннар, шаурма алып килергә дә теләүчеләр булды. Авыр хәл булса, булышучылар күп икән Алланың рәхмәте, була гына күрмәсен инде берүк андый хәлләр. Иң якын кешеләрем апам, ирем янымда иде, рәхмәт аларга!» — дип яза Ләйсән инстаграмында.

Ләйсән Мәхмүтова ролен исә спектакльдә Чулпан Закирова башкарган.