Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    • Tat Cult Lab/Music 2021: музыкаль лаборатория сезне көтә! Беренче тапкыр Tat Cult Lab/Музыка 2018 нче елда үткәрелде һәм «Соль» клубындагы концерт белән тәмамланды. 2019 нчы елда музыкантлар Камал театрының зур сәхнәсендә яңа җырлар башкардылар.
      276
      0
      0
    • МИЛЛИ КИТАПХАНӘ КИТАПЛАР ҖЫЯ Материалларның бер өлеше комплектлау һәм саклау бүлегенә эләгә, ә икенче өлеше китап киштәләренә куелачак. Китаплар һәм материаллар яхшы хәлдә булырга тиеш
      734
      0
      0
    • Коронавирустан йөз меңнән артык табиб үлгән 2020 елның гыйнварыннан алып быелның май аена кадәр ковидтан вафат булган медицина хезмәткәренең саны 115 мең булырга мөмкин.
      839
      0
      0
    • Нияз Игъламов яңа вазифага билгеләнде Татарстан Республикасы Мәдәният министрлыгы каршындагы Иҗтимагый совет рәисе вазифасын моңа кадәр Татарстан Республикасының атказанган мәдәният хезмәткәре Марсель Таишев башкарды.
      844
      0
      0
    Видео
    • НАРКОТИКЛАРГА - ЮК

    “Сәмрух” премиясе: җиңүче сәлкешләр, бәхетле әти-әниләр

    Реклама

    Күптән түгел генә Пирамида концертлар залында “Сәмрух – 2019 ” премиясе тантанасы гөрләде. Чарадан соң берничә көн узса да, энергияле яшьләр тулы залдан һаман да “кайтып булмый” әле.


    “Сәләт – мөмкинлекләр мохите” дияргә яратабыз. Ә бит ул, чынлап та, укучыга, яшьләргә күпме мөмкинлек һәм дәрт бирә. Ни өчен дәрт дим, концертлар залына керү белән, бик күп санда яшүсмерләр биләп алды. Кайсы нишли: “Апа, абый!” - дип әйдаманнары белән кочаклашучылар, биеп торучылар, хәтта елашучылар да биредә иде. Сәләттә булмаган кешегә мондый гадәтләр чит тоелыр иде, ләкин алар шундый ихлас һәм бәхетле булып күренделәр.

    Тамаша ярты сәгатькә соңарып башланды. Бу – залны тамашачы белән тулганын көтү, кунакларны каршы алу өчен кирәк булгандыр. Махсус кунакларга килгәндә, аларны һәр премияне тапшыру һәм тәбрикләү сүзе әйттерү өчен сәхнәгә чакырдылар. Бер шиксез, беренче булып Сәләтнең “әтисе” - Җәүдәт Сөләйманов чыкты. Ул “Сәлам, ничек хәлләр?” - дип сорауга, бөтен залдагылар (!) дәррәү кул чабып, сәләттәгечә җавап кайтарды.
    “Мин чын күңелдән һәм йөрәктән әйтәм – Аллаһка шөкер! Гадәттә сезнең хәлне безнең Рөстәм Нургали сорарга ярата. Без аңа елмаеп рәхмәт әйтәбез. Бу бит – аның командасы. Бәйрәм зур дәрәҗәдә үткәрелсен өчен без проектларны тормышка ашырабыз: җыелабыз, бергә фикер йөртәбез, үсәбез. Традициягә әйләнгән бишенче премиядә үзебезнең иң-иңнәрен алга чыгарабыз. Ел буе сәләт өчен эшләгән мең баладан иң көчлесен сайлау җиңел түгел. Чараның мөһимлеге шунда да инде. Аккош оясында аккош туа, шуңа күрә әти-әниләргә рәхмәт әйтәсем килә!”- диде ул. Җәүдәт абый тантананы ачык дип игълан иткәннән соң, премияләр тапшыру башланып китте.

    Җиңүчеләр

    Номинацияләргә килгәндә, аларга түбәндәге яшьләр лаек булды:
    “Ел сәлкеше” - Рәлинә Фаваризова;
    “Ел әйдаманы” - Гөлназ Гатина;
    “Ел өлкән әйдаманы” - Зәринә Хәлилова;
    “Ел директоры” - Алсу Ганиева;
    “Елкулдашлары” -  Әдилә Камалова белән Илнур Зиннәтов;
    “Ел клубы”  - Сәләт-Яшел Үзән;
    “Форум башҗитәге” - Рәфис Хәлилов;
    “Ел аланы” - Сәләт Яр Чаллы;
    “Сәләт җырлый” - “Сәләт дөньясы” җыры белән Миләүшә Гомәрова һәм Әдилә Камалова.

    Бәхетле сәлкешләр

    Номинацияләр игълан ителгән саен, җиңүчеләр сәхнәгә чыгып тезелә барды. Шунысы истә калган – бигрәк тә “Ел сәлкеше” номинация вакытында дулкынлана-дулкынлана басып торган яшүсмерләрнең күзләрендә очкын, җиңәргә хыяллану теләге чагылды. Алар кулга-кул тотынышып, бер-берсенә уңышлар да теләп алдылар. Шул вакыт Рәлинә Фаваризованың “Ел сәлкеше” булуы ачыклангач, кызның үз җиңүенә ышанмыйча ихластан елавы, сөенүе һәркемне сискәндергәндер. Залда кызының җиңәсенә ышанып, шулай да борчылып йөргән әнисе дә күз яшьләрен яшермичә фотога төшерә башлады. Яныма килеп утыргач, аны котламыйча кала алмадым.
    - Кызыгыз, молодец!
    - Аллаһка шөкер! Шундый борчылды балакаем! - дип күп тапкыр кабатлады ул мине коча-коча.


    Ә бит шушы номинация өчен меңләгән бала көрәшә, ел буе конкурсларда катнашып, “казаныш” җыялар. Ә нәтиҗәдә – бер генә җиңүче сәмрух сынына ия була. Шулай итеп, әлеге бәйрәм дә беркемдә битарафлылык уятмыйча, узды да китте. Тантананы Эльмир Низамов музыкасы, Илгиз Шәйхрәзиев белән Зәринә Вилданованың җыры да бизәде. Кыскасы, киләсе елларда "Сәмрух премиясе" кабат сәләтлеләрне сөендерәчәк. Шуңа күрә булдырачагыңа шикләнмичә, сәләтеңне күрсәтә белү бик мөһим дигән нәтиҗәдә кайтып киттем.

    фото: Рамил Гали

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе