Тиздән барлык россиялеләр бәхетле була алачак

Россиядә песи аллергиясына каршы вакцинаны тикшерәләр. Дәва инде 2019 елда барлыкка киләчәк.

Тиздән Россиядә беренчеләрдән булып песи аллергиясына каршы дәва уйлап табарга тиешләр. Вакцина инде быел барлыкка киләчәк дип яза "Интерфакс". Бу Беренче Мәскәү дәүләт медицина институты (МГМУ) белән  Вена медицина университетының уртак хезмәте җимеше. 

Академик Петр Глыбочко әйтүенчә, вакцина инде уңай результатлар күрсәткән, хәзер тикшеренүләр дәвам итә. 

Песиләрнең аллергеннары 8 төрле була. Боларга песинең йонындагы, селәгәендәге, тирендәге һ.б. протеиннар гаепле. Вакцина боларның барысыннан да саклаячак дип белдерә галимнәр.

Ә песие булган бер генә кеше дә бәхетсез була алмый.

Песиле "Идел" турында укы: Журнал ничек ясала: Торт, фотоаппарат, ике песи