Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    Видео
    • Руль артында алкогольгә "Юк" дип әйт

    Яңа елны яхшы хәбәрләрдән генә башлыйк әле...

    Яңа елны яхшы хәбәрләрдән генә башлыйк әле. Инде декабрь азагында яңа санны эшләп, зур өметләр белән каршы алабыз без аны. Берничәсен санап китикме?

    Реклама

    Алда 02.02.2022 датасы көтә: гашыйклар инде күптәннән бу матур саннарны туй көне итеп билгеләгән. Өлгердегезме? Без инде алга чабып, талбишек ясау осталары белән дә күрешеп куйдык. (Барысы да сезнең өчен!) Яшь әти-әниләр сабыйларын ат бәясе торган коляскаларда түгел, әби-бабаларыбыз акылына таянып, бишектә үстерергә әзер икән бит!!!

    «Идел»дә практика узучы студентларыбыз белән бу язның яңа трендларын барладык: мода нәфислек ягына борыла, озын шифон күлмәкләрне юнәтә торыгыз! Шулай да оверсайз киемнәр, очлы башлы кроссовкалар, люферлар өстенлек итә әле. Әти-әниләргә дә сөенеч: тубыкны каплый торган оекбашлар модага керә! Сәламәтлеккә инвестиция зурдан. Өметсез түгел әле безнең киләчәк. Яңа исем ачтык: Тинчурин театры артисты Фәрһад Мөхәммәтҗанов! Истә калдырыгыз үзен. Әле беренче сезон гына уйнавына карамастан, премьерада төп рольне башкара моңарчы кинода төшкән егет. Этнотуризм буенча яңа проектка старт бирдек: ел дәвамында Татарстаныбыздагы ял итәр урыннар барларга алынабыз. Үзара «Авылга, мунчага!» дип йөртәбез инде без аны. Яшел Үзән районындагы экскурсиягә барырлык берничә ноктаны карап та кайттык.

    Иҗатта кайнаучы яшьләребез колагына: гыйнвардан «Идел» иҗат лабораториясе старт ала. «Подвал» кичәләре, остаханә, фатирниклар гына түгел, яшь иҗатчылар клубы да гамәлдә булачак. Бер төркем яшь рәссамнар яңа проектка алынып, сюрприз әзерли инде. Яңалыкларыбызны күзәтеп барыгыз. Без – иҗатта! Ә сез? Бер дулкында булыйк!

    Ихтирам белән, "Идел" журналы баш мөхәррире Гөлүсә Закирова

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • ИП ПАТЕНТ СИСТЕМАСЫНДА: НӘРСӘ БЕЛЕРГӘ КИРӘК?
    • Газета-журналларга язылган өчен - санаторийга ике юллама
    • Пушкин картасы
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы