Иҗат тег белән яңалыклар

"Abadeli"  төркеме, ниһаять, үзенең «Мин ярата идем сине» җырын музыкаль платформаларга чыгарды! Төркемне ихлас күңелдән әлеге яңалыгы белән тәбрик итәбез һәм яңадан-яңа уңышларга ирешүләрен теләп, 2018 елдагы архивтагы язмабыздан өзек тәкъдим итәбез.

Ә бит кеше заты төшләрендә оча алса гына, чынлап тере. Кеше үзен сынап күккә карый – өнме соң бу, диеп, ахыр чиктә? Төнге күктә бер самолет оча.

Бүген шагыйрь чорга яраклаша да, чорны үзенә яраклаштыра да белә. Кисенми, тәкәбберләнми, үз иҗатының илаһи дәва икәнлеген дә төшенә, шул ук иҗатны продукт итеп күрүдән дә тартынмый. Урамдагы башка кешеләр арасында югалыр өчен уңышлы гына итеп «төсен үзгәртә»... Ләкин якыннан аралашканда, аның барыбер дә «чын йөзе» нәкъ Гаташ язганча ачыла: «– Шагыйрь бит ул... – Ала-ай... Диванамени?» Без дә бер-беребезнең «диваналары» белән әңгәмә кордык. Без ул – ике яшь кыз, үзебезне кемдер «яшь шагыйрь» дип атаган чакта, эчтән генә: «Шигырь язучы», – дип төзәтеп куючылар...