Сөй гомерне, сөй халыкны, сөй халыкның дөньясын!
  • Рус Тат
  • Реклама
    ТАССР 100 ел
    Яңалык/Эксклюзив
    • Tat Cult Lab/Music 2021: музыкаль лаборатория сезне көтә! Беренче тапкыр Tat Cult Lab/Музыка 2018 нче елда үткәрелде һәм «Соль» клубындагы концерт белән тәмамланды. 2019 нчы елда музыкантлар Камал театрының зур сәхнәсендә яңа җырлар башкардылар.
      49
      0
      0
    • МИЛЛИ КИТАПХАНӘ КИТАПЛАР ҖЫЯ Материалларның бер өлеше комплектлау һәм саклау бүлегенә эләгә, ә икенче өлеше китап киштәләренә куелачак. Китаплар һәм материаллар яхшы хәлдә булырга тиеш
      514
      0
      0
    • Коронавирустан йөз меңнән артык табиб үлгән 2020 елның гыйнварыннан алып быелның май аена кадәр ковидтан вафат булган медицина хезмәткәренең саны 115 мең булырга мөмкин.
      618
      0
      0
    • Нияз Игъламов яңа вазифага билгеләнде Татарстан Республикасы Мәдәният министрлыгы каршындагы Иҗтимагый совет рәисе вазифасын моңа кадәр Татарстан Республикасының атказанган мәдәният хезмәткәре Марсель Таишев башкарды.
      624
      0
      0
    Видео
    • НАРКОТИКЛАРГА - ЮК

    РАМИЛ ТӨХВӘТУЛЛИН: “ИКЕ ТАТАР БУЛГАН ҖИРДӘ ӨЧ ФИКЕР БАРЛЫККА КИЛӘ”

    Казанда Татар яшьләре көннәре башланды. “Идел” яшьләр үзәге уздыра торган әлеге чарада беренче булып Татарстан Республикасы Дәүләт Советы депутаты Рамил Чыңгыз улы Төхвәтуллин чыгыш ясады.

    Сүзне Рамил әфәнде шаярудан башлады:
    - Гадәттә, миңа спектакль ахырында кул чаба иделәр, сез миңа аванс белән алдан кул чаптыгыз, димәк, әңгәмә кызыклы булырга тиеш.

    Шәхси, актерлык эшчәнлеге белән бәйле сорауларны исәпкә алмаганда, күпчелек катнашучылар татар теленең хәзергесе һәм киләчәге белән бәйле мәсьәләләрне күтәреп чыкты.

    Иң беренче сорау татар халкының үсеш стратегиясенең әһәмиятенә кагылышлы булды.


    - Бу турыда күп сораулар, күп бәхәсләр бар, бер фикердә генә, “Бу иң төп документ” дип кабул итмәдек. Әмма вакыйга буларак, ул бик зур әһәмияткә ия. Чөнки татар халкының үткәне, бүгенгесе һәм киләчәге арасына күпер салынды. Татарларның рухын уятырга, телгә, үткәнебезгә, бүгенгебезгә, мәдәниятебезгә, мирасыбызга мәхәббәт уяту һәрберебездән тора. Моны чынлап та эш итеп кабул итәргә кирәк, чөнки үзеннән-үзе бернәрсә дә килми. Татар халкы үз-үзен кайгыртмаса, башка халыклар мәнфәгатьләрендә түгел без. Үз киләчәгебезне үзебез төзибез. Ярдәмләшеп һәм киңәшләшеп эшләсәк, яхшы нәтиҗә булачак.

    Шулай ук Рамил Төхвәтуллин татарларның кайсы очракта гына көчле булуын әйтеп узды:
    - Ике татар булган җирдә өч фикер барлыкка килә. Бернишләтеп тә булмый аны. Безгә кайвакытта бер-беребезне тыңлый, аңлый белергә кирәк. Бер фикердә булу зарур безнең өчен. Шул вакытта без көчле.

    Рамил Чыңгыз улы шулай ук үзенең тәкъдиме турында да сөйләп узды:  
    - Татар телен саклау һәм үстерү комиссиясе әгъзасы буларак, мин дә үз тәкъдимем белән чыктым. Аңа Президентыбыз да имзасын куйды. Ул мәктәп балалары арасында фестиваль-конкурс оештыру белән бәйле. Әлеге бәйге татар телендә мультфильмнар, компьютер уеннары һәм кыска метражлы фильмнар әзерләүче балалар арасында узачак. 1 ноябрьдә аңа старт биреләчәк.

    - Театр өлкәсенә ничек килергә булдыгыз? - дип сорады иң яшь катнашучы – 16 яшьлек Фәридә Галимуллина.


    - Мин татар мохитендә үскән малай түгел. Иманым камил, чынлап әйтәм: мин татарча бөтенләй белми идем. Инглиз мәктәбен, училищеда рус бүлеген бетердем. Җан тартмаса да, кан тарта, дигән кебек, Камал театрында бик уйныйсым килде. Инде Качалов театрына да алганнар иде, ләкин мин татар филологиясе факультетына кереп, татарча өйрәндем. Бөек Марсель абый Сәлимҗанов миңа: “Бер елда татар телен өйрәнсәң, Тукай ролен бирәм”, - диде. Менә иң беренче ихтыяҗ шунда туды. Ә кәсеп сайлау ул Аллаһы Тәгаләдән килә. Моны башкача аңлатып булмый. Җир шарын алсаң, барлык кеше саныннан яртысы артисттыр инде аның. Әле артист булып кыланучылар да күп. Шуңа булачак һөнәрне сайлаганда җаныгызны, күңелегезне тыңлагыз, - дип җавап бирде аңа Рамил әфәнде.

    Очрашуның ахырында спикер сүзен болай тәмамлады:

    - Сезгә уңышлы, эчтәлекле көннәр телим. Шушы 4-5 көн эчендә аралашыгыз, дуслашыгыз, кайтканда файдалы хатирәләр булсын һәммәгездә, - дип, Рамил Төхвәтуллин катнашучыларга уңышлар теләде.
     

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов:
    Реклама
    • Милек өчен салымны түләү - 1 декабрьгә кадәр
    • Бөтенроссия халык санын алу (ИНФОГРАФИКА)
    • ВИЧ-инфекция
    • Квалификацияләнгән электрон имза алыгыз
    • ФИНАНС КУЛЬТУРАСЫ
    • Бергә сайлыйбыз!
    • "Язмыш" газетасы
    • Китап тыңла!
    • Kazan Digital Week-2021 (1)
    • ТАВЫШ БИР: Иң матур җырчы гаиләсе