ТАССР 100 ел
-
Бию һәм фильм киче була
4 октябрьдә MOÑ театр мәйданчыгында фильм күрсәтәләр.
-
Такташка багышлап...
3 октябрь, 19:00 сәгатьтә заман шагыйрьләре үз шигырьләрен Такташка бүләк итәчәк.
-
«КАНАТЛАР»: шигырь һәм моң кичәсе
28 сентябрьдә Чиләбедә «КАНАТЛАР» дип аталган шигырь һәм моң кичәсе узды.
-
«Югары катлам ирләре ишегалдына ашыга...
26 сентябрьдә «Эрмитаж – Казан» күргәзмә үзәгендә Көнбатыштан Көнчыгышка таба юлның иң мөһим ноктасы булган Казанда уза торган БРИКС илләре саммитына багышланган «Югары катлам ирләре ишегалдына ашыга...» Көнчыгыш илләрдә мәҗлес һәм аучылык» күргәзмәсе ачыла.
АЛСИНӘ СӘЛАХОВА: «КОЯШЫҢ БУЛЫР ИДЕМ»
Алсинә Сәлахова шигыре
Мин кояшың синең булыр идем:
Уты кайнар.
Син түзмәсәң, минем йөрәк сине
Ничек аңлар?!
Мин йолдызың синең булыр идем:
Күкләр ерак.
Сагыныплар җирне еларсың бит,
Китсәм урлап.
Мин якты ай булырга да әзер
Синең өчен.
Синсез яшәүләргә түзәр өчен
Җитмәс көчем.
Әллә күңелеңә керим микән
Ташкын булып.
Адашырсың, хисләр буранында
Күңелең тулып.
Синең өчен ярсып торган диңгез
Әгәр булсам.
Дулкыннары алып китәрләр дип,
Никтер куркам.
Бер алмагач кына булыйм әле,
Сөйгән өзелеп.
Чәчәк атар идем көзләрдә дә
Сине күреп.
"Идел", 2017 ел, № 12
«Идел» журналы 16+
Теги: шигырь, мин кояшың булыр идем
Следите за самым важным и интересным в Telegram-каналеТатмедиа
Нет комментариев